... نسخة للطباعه ...اضف الى المفضله

 

 

 

 
 

الاكثر تصفحا

 

 

 

 

 

 

 

 

 

 ذاكرة الفن

 

 

(ابوذيات ) الراحل الشاعر الشيخ سعد محمد الحسن

عدد المشاهدات   3013
تاريخ النشر       20/03/2015 11:38 AM


نبراس الذاكرة
-

لبسنه الراهيه احنه .والنضيفه
واخذ جرح من أهلنه .والنضيفه
اليماشينه نبخته .. والنضيفه
ابد مانلثك أفراشه برديه.
............................
الاخو مو بالنفاها ..بالربابة
ولما اتجهبه يطردك ..بالربابة
الشعر لمن تدحكه... بالربابة
يون من القهر مو من آذيه
,,,,,,,,,,,,,,,,,,,,,
شتظن اسنين عمرك ,,فرهه دوني
وعكس رحت اليالي .فرهه دوني
اخوتي ألذت بيهم... فرهه دوني
مثل بيت احترك فزعو عليه
................................
الك طعم المحاجي ..والملوحه
والك كل الالوحه ..والملوحه
الجرح تمثال انحته ..والمي لوحه
والم خارور الك دمعي هديه
........................................
تجابلنه اوي عينه...ماشردنه
ويخيعونه دمعنه ..ماشردنه
ردنه الم كذلته ..ماشه ردنه
روجه مسودنه شيلمهه هيه
...................................
العمر خرزه اعله زندك..من نكلته
الحسن وياك خير ..من نكلته
يسب موتاي جدمك ...من نكلته
وحشاك بكثر ماسبيت بيه
...................................
لبوذيه اصبابه الك وحدك ..نصبها
محاجيك عسل عالمر ..نصبها
الكلب جم سيطره بروحي ..نصبها
غيرك مايمر لو مو هويه
...................
كطعت البيد لجلك ..والفيافي
عكب عينك اجلن ..والفيافي
اخوي تبره مني ..والفايفي
بعد وين انطي وجهي اليانويه
............................
جلد بطباع برحي وخلك ..خش خاش
سحني الوكت حد ماصرت ..خش خاش
لون تمساح يوم بوحل ..خش خاش
تكتر لاتلومه بهل القضيه
,,,,,,,,,,,,,,,,,,,,,,,,,,,,,
بيت كتبه المرحوم لوالده المرحوم الشيخ محمد الحسن
الحظ بان بفجركصته ..ولاله
معزب لكمته البيده ..ولاله..
ابوي تريك مايشعل ..ولاله..يوج روحها وتدلي الضيف هيه



 

 





   

   تعليقات القراء

 

الموضوع المنشور يعبر عن رأي صاحبه ... أضف أو صحح ما جاء في الموضوع
 

 

اضف تعليقك 

ألأسم: البريد:  

 

 
 
 
 
 
 

  Designed & Hosted By ENANA.COM

Nbraas.com